ՀՀ ԱՆ. Դեղերի փոխհատուցման նոր մեխանիզմ է մշակվել

Ապրիլի 1-ից սոցիալական կարգավիճակ ունեցող անձանց համար գործելու է սիրտ-անոթային և շաքարային դիաբետի դեղերի տրամադրման պիլոտային ծրագիր:

Մինչ այս շահառուները անվճար բժշկական օգնության ու սպասարկման շրջանակներում տրամադրվող դեղերը ստանում էին իրենց պոլիկլինիկաներից կամ ամբուլատորիաներից, որոնք առողջության առաջնային պահպանման օղակը ձեռք է բերել գնումների մասին ՀՀ օրենսդրության պահանջներին համապատասխան հայտարարված մրցույթների արդյունքում:

Այս փոփոխությամբ` քաղաքացին կկարողանա դեղատնից ձեռք բերել դեղի` իր համար նախընտրելի առևտրային անունով դեղը` նույն ազդող նյութով: Դրանից հետո սահմանված առավելագույն գումարի չափով նախարարությունը կփոխհատուցի:

Հաշվի առնելով, որ ծրագիրը պիլոտային է, քաղաքացին ցանկության դեպքում, կարող է շարունակել դեղը ստանալ նաև պոլիկլինիկայից:

Ապրիլի 1-ի դրությամբ` հարյուրից ավելի դեղատուն միացել է դեղերի օֆերտայի պիլոտային ծրագրին:

Թեմայի շուրջ հաճախ տրվող հարցերի պատասխաններն ու պիլոտային ծրագրին միանալու կարգը` https://moh.am/#1/7851:

Հարցեր, պատասխաններ, մեկնաբանություններ